هو ليه بقى موتنا عادي؟!

بلادي بلادي بلادي
هو ليه بقى موتنا عادي؟!
ليه بتاخدي بيد كل عادي؟!

ليه تخلي المظلوم راسه مطاطي؟!

ليه يا بلدي أنا في وادي وانتي في وادي؟!

مش انتي يا أم الدنيا اللي قولتي انتوا ولادي؟!

ليه تخليني مع نفسي بهاتي؟!

فين ارادتي فين كرامتي فين حياتي؟!

فين يا بلدي الحق اللي مات عشانه اخواتي؟!

شايفه جرحي وساكته وسامعة أهاتي؟!

لأ و بتغني للندل تسلم يا ابني الأيادي؟!

،،

يا بلد ميغركيش صمتي وسكاتي

هكمل وأكافح و اواصل جهادي 

و لو اخترت يا حياتي تقفي قصادي

عمري أبداً ما هكون يا أمي واطي

عمري ما اركع ولا اصبح بالظلم راضي 

عمري ما اوطي راسي للقاتل واطاطي

عمر القتل ما يبني دولة عمر الذل ما حرر أراضي