لما شافوها قالولها ،،
في ضحتك نور ، طيرلي أحزاني
و بسمتك خنجر ، في صدر ده الجاني
والصبر ده طبعك ، لو مهما بتعاني
و في صمتك اتكلمتي ، "ارحل يا سجاني"
رابعة إشارة النصر ، رفعاها من تاني
وهتافك يا حرة لازال ، بيرن في وداني
بصلتهم وابتسمت ،،
و رددت واتحدت ، أنا ثابته هنا في مكاني
من عزتي وفخري ، الفرحة مش سيعاني
كلابشي ده اسويره ، والابيض ده فستاني
ليه تحزنوا وتبكوا؟! ، أنا عاوزة منكوا تهاني
ده الجنة مش بالساهل ، ولا الشهادة أماني
ردوا و وصوها ،،
نادي يا بتوع الشنبات ، النصر مش بأغاني
و قولي لابو دبورة ، حكمك يا بيه فانــــي
و علمي ده القاضي ، درس بسيط في ثواني
قوليه أنا مش هرضخ ، ولا عمري أبيع إخواني
و وصلي إن الظلم ، عمره ما يرجع تاني
عمره ما يرجع تاني
عمره ما يرجع تاني
