خليك مصدق خليك مسلم خليك مطاطي
خليني أعيدلك خليني أزيدلك خليني أهاتي
خليك مفوض للي قتلوا إخواتي
خليني أدعي ع اللي زيك في صلاتي
،،
خليك معاهم ماشي برضاهم بوس الأيادي
خليني ندك ومبادئي ضدك واقنع ضميرك إنك حيادي
خليك مغمي عنيك وقلبك خليك يا صاحبي واقف قصادي
خليني ثابت في كفاحي صامد منا أصلي يا ابني راجل جهادي
،،
عاوزني أشوف الذبح واسكت بتقولي أكون بالذل راضي؟
عاوزني أخلي العبد سيد ولا أخلي الندل قاضي؟
دلل لساني أقول لجنابك القهر راحل والظلم ماضي
وحتي لو حرقولنا رابعة أرض النضال هتبقى أراضي
،،
شوف يا صديقي أنا مكمل ده طريقي ودي صيراطي
أصل الحكاية كبرت وعدت مبقتش قصة موتي وحياتي
في ايد بتبني وايد بتهدم وده الصراع الدايم يوماتي
يا تكون مع اللي بيبني بلدك يا تحط ايدك على كتف واطي
،،
وساعتها هرجع تاني أقولك
خليك مصدق خليك مسلم خليك مطاطي
ده الحر حر لو سفكوا دمه
والواطي يفضل طول عمره واطي
ليست هناك تعليقات:
إرسال تعليق