عجزنا نحبس الدمعة
و الحزن جوانا بحور
و نتمنى لو ضوء شمعة
يضيء سكة المجهول
بداخلنا أمور جامعة
لكل الهم المستور
و أه لو الناس سامعة
بكا قلبي المقهور
و أه من جرح قلب
موجود من زمان محفور
في عين كل الناس لمعة
تحسسني بخوف و سرور
خوف لتسيل الدمعة
وتخرج معاها بحور
و سرور بالحياة الناعمة
و بالحب اللي ماله سور
و أه من سكك قاطعة
على سطورها الشوك منثور
سكوتي فيا نار والعة
تخلي فؤادي تاني يثور
و أقول للصبر يا طيب
و خليك يا قلبي صبور
يقولي القلب انا صابر
ما كنت طول عمري صبور
أقوله اصبر كمان حبة
دانت صبرت معايا دهور
يقولي صبري خلاص ولى
و لست على الصبر مجبور
إزاي اصبر على حاجة
مزيفة و كلها زور
إزاي اصبر و استني
و خلاص الأمل مكسور
لا يا صحبي خلاص انسى
أنا لست ع الصبر مجبور
قولت في حزن شديد
وفي صوت خرج مقهور
عجزنا نحبس الدمعة
و الحزن جوانا بحور
ليست هناك تعليقات:
إرسال تعليق