أنا مش رقم مش متهم
أنا اللي كان سلاحي ورقة وقلم !
أنا اللي عليت هتافي والكل انكتم
أنا اللي صاحبي حبسوه والتاني اتعدم
أنا مش رقم مش متهم
أنا اللي رفضت اسجد للصنم
أنا اللي عمره ما هيخاف من القزم
أنا اللي رفضت أكون للظالم خدم
أنا مش رقم مش متهم
أنا اللي طلعت من العدم
أنا اللي ناديت بحق كل اللي اتظلم
أنا اللي حاكموني عشان شارة وعلم
أنا مش رقم مش متهم
أنا عمري ما أخلي الخاين حكم
أنا صمودي ف عيون الظالم لغم
أنا اللي هكمل سكتي رغم الألم
