أنا الثايــــــــر
أنا اللي هتفت في يناير
أنا اللي مليت
ميداني حشود
انا نعتوني بالصايع
وسموني ثاير البسكوت
أنا اللي قولت
لأ للظلم
وكله في بيته حاله
سكوت
أنا اللي أخترت
اتحدى
أنا وقفت في وش
طاغوت
أنا اللي صمدت
ضد عساكر
وقولت هثور بعلو
الصوت
لا عمري خنت يا
بلادي
ولا عمري خلفت
وعود
أنا ثاير ومش طامع
أنا ما طلبت دهب
وياقوت
انا اللي هرجَّع
أمل ضايع
أنا رواية بتحكي
صمود
أنا القبلي أنا
البحري
أنا صعيدي ماسك
النبوت
أنا شرقي أنا غربي
انا في كل مكان
موجود
أنا عنوان لكل
حكاية
أنا مع كل نبرة
صوت
أنا الحورية بتغني
أنا شاب بيعزف
عود
مجروح ولسه الرمق
فيا
منا بالتضيحة معهود
ومهما تطول لياليا
ومهما الليل ضلامه
يسود
صمودي سكه همشيها
وهنقشها في كل
عمود
ومن همه على بلاده
حليفه النصر بيه
موعود
ومين قال ثورتي
بتموت ؟!
وريحها لسه في
الشارع
وجوا الحارة تغلي
بيوت
ومين قال الحق
مش هيعود؟!
ولسه اللحن حرية
وانغامه بتحكي
صمود
ومين قال الأمل
ضايع؟!
ولسه كرامتي في
إيديا
ولسه ميداني أهو
موجود
راجع مصحفي في
إيدي
وهـهتفها بعلو
الصوت
تسقط دولة العســـكر
تسقط دولة الجبروت
هقولها تاني مش
خايف
هقولها واسمَّع
الملكوت
أنا يا خونة أهو
راجع
أنا الأمل اللي
مش بيموت
أنا الحق اللي
خوفكوا
أنا الصوت اللي
ماله سكوت
أنا ثبات شعب علمكوا
طوفان الثورة ماله
حدود
أنا الثاير :)
