عظمة على عظمة
يا مـصر ياللي فوق علمك نسر
يا بلد فيكي المظلوم
مش لاقي ساعة يسر
ولا مديتي المكلموم إلا بخسران و خُسر
نادي بصوته المكتوم "ربي فرج لي العسر"
وعظمة على عظمة
يا مصر
ناس دايمه تدوق المر ناس هايصة في قلب القصر
ناس عايشه في وسط الذل ناس مالهم ما له حصر
ناس لأجلك بلعوا السم ناس عصروا كرامتك عصر
وعظمة على عظمة
يا مصر
ليه يا بلدي فيكي
الحر محني وفي ضهره كسر؟
ليه يا بلدي فيكي
الراجل بيحــــــطوه في الأسر؟
ليه يا بلدي فيكي
النصر مش لاقي لسكته جسر؟
وعظمة على عظمة
يا مصر
كسبانك يا أم الدنيا
هو اللي يهز الخصر
خسرانك يا أم الدنيا اللي يصلي العصر
أحرارك يا أم الدنيا
ماتوا بينادوا يا مصر
وعظمة على عظمة
يا مـصر يا امو دبورة و نسر
